Бублик - Зверев: «Мастерс» турнирінің ширек финалына шығу матчін онлайн көру
Сәрсенбі, 14 қазанда, ATP рейтингінде 22-орында тұрған қазақстандық теннисші Александр Бублик әлемнің екінші ракеткасы, германиялық Александр Зверевпен Қытайдың Шанхай қаласында өтіп жатқан «Мастерс» сериясындағы турнирдің 1/8 финалында кездеседі, деп хабарлайды Sports24.kz.
Матчтың тікелей трансляциясы Қазақстан уақытымен 07:00-де басталады. Кездесуді мына сілтеме арқылы көруге болады.
1/8 финалға жету жолында Бублик чехиялық Томаш Махачты (6:4, 7:6) жеңіп, одан кейін америкалық Брэндон Накашиманы (6:7, 6:3, 7:6) ұтты.
Зверев турнирді қытайлық У Ибинді (6:4, 7:6) жеңуден бастады. Одан кейін француз Кантен Алисті (6:4, 6:7, 6:3) ұтты.
Айта кетейік, өзара кездесулерде қазақстандық теннисші басымдыққа ие: оның еншісінде 3 жеңіс болса, Зверев 1 рет жеңіске жеткен.
2026 жылы Шанхайдағы турнирдің жүлде қоры 9,4 млн долларды құрайды. Жекелей сында жеңімпаз 1,15 млн доллар және рейтингтік 1000 ұпай алады.
