WBO жаңа рейтингін жариялады – Әлімханұлы Канелодан кейін екінші орында
Дүниежүзілік бокс ұйымы (WBO) суперорта салмақ санатындағы жаңартылған рейтингін таныстырды, деп хабарлайды Sports24.kz.
Қазақстандық боксшы Жәнібек Әлімханұлы (17-0, 12 KO), осыған дейін жаңа дивизионға ауысатынын жариялаған болатын, WBO рейтингінде екінші орынға көтерілді.
Тізімнің көшбасшысы – Мексиканың бұрынғы абсолютті әлем чемпионы Сауль Канело Альварес. Ал WBO чемпиондық белбеуі суперорта салмақта британиялық Хамза Ширазға тиесілі.
Еске салсақ, орта салмақта бұрынғы әлем чемпионы, қазақстандық боксшы өзінің соңғы жекпе-жегін 2025 жылдың сәуірінде өткізді – сол кезде Жәнібек француз Анауэль Нгамиссенгеден сенімді жеңіске жеткен болатын.
Осыдан кейін, 2025 жылдың желтоқсанында, Әлімханұлы орта салмақта үшінші белбеу үшін жекпе-жек өткізуі керек еді, бірақ оның қанынан допинг анықталуына байланысты кездесу өтпей қалды – бұл оқиға Әлімханұлы мен Эрисланди Лара арасындағы айқас қарсаңында орын алды.
Әлімханұлының қанынан мельдоний табылып, чемпиондық жекпе-жек тоқтатылды. Осыдан соң IBF өз белбеуін қазақстандықтан қайтарып алды, ал WBO уақытша белбеу үшін айқасқа рұқсат берді, оны британдық Дензел Бентли жеңіп алды.
Жәнібектің белбеуден бас тарту туралы шешімінен кейін, дәл осы Бентли толыққанды чемпион атанды.
Халықаралық ұйымдар Әлімханұлына бір жылға дисквалификация жариялады, бұл мерзім желтоқсанда аяқталады. Сол кезде боксшы ресми түрде рингке қайта орала алады.
Кейін қазақстандық спортшы орта салмақтағы WBO чемпиондық белбеуінен бас тартып, екінші орта салмаққа ауысу туралы шешім қабылдады.
