Тимур Нұрсейітов бокстан Әлем кубогының ширек финалына шықты
Қазақстандық былғары қолғап шебері ирландиялық қарсыласын жеңді
Бокс
Арсен Алиев
Редактор
ФОТО: ДРС
75 келіге дейінгі салмақ дәрежесінде Тимур Нұрсейітов 1/8 финалда ирландиялық спортшы Таиг О’Доннеллмен кездесті, деп хабарлайды Sports24.kz.
Екі боксшы да аса сақтықпен қимылдап, бір-бірінің шабуылын аңдып, үш раунд бойы тартысты барлаумен өтті.
Нәтижесінде төрешілердің бөлек шешімімен (3:2) жеңіс қазақ боксшысына бұйырды.
Бұған дейін өз жекпе-жектерін Серік Теміржанов пен Сабыржан Аққалықов, сондай-ақ Нұрбек Оралбай және Айбек Оралбай да жеңіспен аяқтады.
World Boxing Әлем кубогы Қытайдың Гуйян қаласында 15-21 маусым аралығында өтуде. Додаға әлемнің 44 елінен 333 боксшы қатысып жатыр.