Аккалыковтың жаттықтырушысы Азия ойындарының-2026 басындағы сенсациялық жеңілістің себебін түсіндірді
Қазақстандық боксшы Сабыржан Аккалыковтың жаттықтырушысы Александр Насибуллин шәкіртінің Жапонияда өтіп жатқан 2026 жылғы жазғы Азия ойындарының басында жеңіліске ұшырау себептерін атады, деп хабарлайды Sports24.kz.
«Жекпе-жек туралы не айтуға болады? Бірінші раундтан кейін-ақ Сабыржанды танымай қалдым. Оның жылдамдығы мен ептілігі жоғала бастады. Жапонияға келгеннен кейін Сабыржанның құлағы ауырды. Алдымен оң құлағы, кейін сол құлағы мазалай бастады. Оны құрама дәрігеріне көрсеттік.
Ауырсыну басылмағандықтан, Жапониядан дәрігер іздеп, ауруханаға жүгінуге тура келді. Сол жерде оған „құлақтың қабынуы“ (отит) деген диагноз қойылды. Антибиотик қабылдаудан басқа амал қалмады. Әйтпесе боксшымыздың рингке шығуының өзі қиын болар еді. Антибиотиктердің ағзаға қалай әсер ететінін білесіздер — бұл жекпе-жекте олар оның функционалдық дайындығын айтарлықтай төмендетті.
Боксшы оңтайлы бабына келген кезде, тіпті жеңіл желдің өзі қауіпті болуы мүмкін. Сабыржан көптеген жаттығудан өтіп, енді ғана бабына келгенде, осындай жағдайға тап болды. Әрине, өте өкінішті. Әйтпесе оңтүстіккореялық боксшы алынбас қамал емес еді, оны жеңуге болатын», — деп Насибуллиннің сөзін Sports.kz келтіреді.
Еске салайық, Аккалыков 2026 жылғы жазғы Азия ойындарынан 1/8 финалда күтпеген жерден шығып қалды, оңтүстіккореялық Ким Минсенге есе жіберді.
Еске салайық, 24 жастағы боксшы 2025 жылы Дубайда өткен IBA нұсқасы бойынша әлем чемпионатының күміс жүлдегері, сондай-ақ 2021 жылы Польшаның Кельце қаласында өткен жасөспірімдер арасындағы әлем чемпионы атанған.
