Юлия Путинцева 2026 жылғы Азия ойындарының жүлдегері атанды
Қазақстандық теннисші Юлия Путинцева Айти мен Нагояда өткен XX жазғы Азия ойындарының қола жүлдегері атанды, деп хабарлайды Sports24.kz.
Әйелдер арасындағы жекелей сынның жартылай финалында Қазақстан өкілі қытайлық Чжан Шуаймен кездесті. Матч 1 сағат 23 минутқа созылып, Қытай спортшысының 6:4, 6:2 есебімен жеңісімен аяқталды.
Бірінші партияда Путинцева қарсыласына айтарлықтай қарсылық көрсетті, алайда Чжан Шуай сет соңын сәтті өткізіп, 6:4 есебімен жеңіске жетті. Екінші партияда қытайлық теннисші матч барысын бақылауда ұстап, оны 6:2 есебімен жеңіспен аяқтады.
Осылайша, Путинцева әйелдер арасындағы жекелей сында өнер көрсетуін Азия ойындарының қола медалімен аяқтады. Ширек финалда қазақстандық теннисші Таиланд өкілі Мананчайя Саваңкаеваны 6:3, 6:0 есебімен жеңіп, тұғырдан көрінетініне кепілдік берген болатын.
Сонымен қатар, Путинцеваның Ойындардағы жарысы әлі жалғасып жатыр. Ол Анна Данилинамен бірге әйелдер арасындағы жұптық турнирдің ширек финалына шықты. 1/8 финалда қазақстандық жұп Таиланд өкілдері Аунчиса Чанта мен Пеангтарн Плипечті 5:7, 6:3, 10:6 есебімен жеңді.
Путинцева мен Данилинаның ширек финалдағы матчы 1 қазанға жоспарланған.
