Демеу Жадыраев Азия ойындары-2026-ның қола жүлдесі үшін белдесуде жеңілді
Қазақстандық балуан, 2024 жылғы Олимпиаданың күміс жүлдегері Демеу Жадыраев Айти мен Нагояда өтетін 2026 жылғы Азия ойындарында қола медаль үшін күресуге мүмкіндік алды, деп хабарлайды Sports24.kz.
77 келіге дейінгі салмақтағы грек-рим күресі турнирінің ширек финалында Жадыраев жапониялық Нао Кусакадан 9:11 есебімен жеңілді.
Алайда Кусака жарысты жалғастырып, финалға шықты. Осылайша Жадыраев жұбаныш кезеңінде өнер көрсету мүмкіндігіне ие болды.
Қола жүлде үшін белдесуге жолдама алу мақсатында қазақстандық балуан 2020 жылғы Олимпиаданың күміс жүлдегері әрі әлем чемпионы, Қырғызстан өкілі Ақжол Махмудовпен кездесті.
Жадыраев пен Махмудов 2024 жылы Парижде өткен Олимпиадада да кездескен. Сол жолы қазақстандық балуан жеңіске жеткен еді.
Енді қарсыластар қайтадан кілемге шықты — бүгін жеңіс қырғызстандық балуанның еншісінде.
