Токио турнирінде Путинцеваны жеңгеннен кейін Рыбакина қанша табыс тапты
Қазақстандық теннисші Елена Рыбакина Токиодағы WTA 500 санатындағы турнирдің ширек финалына шығып, қомақты жүлде қорын қамтамасыз етті, деп хабарлайды Sports24.kz.
Рыбакина кездесуді сенімді өткізіп, Путинцеваны екі сетте 6:2, 6:3 есебімен жеңді. Осы нәтижеден кейін қазақстандық теннисші жарыстың ширек финалына жолдама алды.
Рыбакина қазақстандық дербиде Путинцеваны жеңді
Үздік сегіздікке енгені үшін Рыбакина 33 475 доллар (шамамен 15 миллион теңге) көлеміндегі жүлдеге кепілдік алды. Сонымен қатар, ол WTA рейтингінде 108 ұпай иеленеді.
Жартылай финалға шыққан жағдайда Рыбакинаның жүлдесі 66 003 долларға (шамамен 30 миллион теңге) дейін өседі. Турнир финалисі 114 500 доллар, ал чемпион 185 500 доллар (шамамен 85 миллион теңге) алады.
Рыбакинаның келесі қарсыласы канадалық теннисші Лейла Фернандес болады. Бұған дейін, 25 қазанда қазақстандық теннисші оны Нинбодағы WTA 500 турнирінің финалында 6:2, 6:2 есебімен жеңген.
Toray Pan Pacific Open жарысы Токиода 26 қазан мен 1 қараша аралығында өтеді. Турнирдің жалпы жүлде қоры 1,2 миллион доллардан асады.
Рыбакина маусым қорытындысы бойынша әлемдік рейтингте бірінші орынға кепілдік алды
