Сметов Абу-Дабиде қазақстандық дзюдошыға сенсациялық түрде жеңілді
Шешуші белдесуде ұлттық құрама өкілі Париж-2024 Олимпиадасының чемпионы Елдос Сметовтен басым түсті деп хабарлайды Sports24.kz.
Дзюдодан өткен беделді халықаралық турнирде Қазақстан құрамасы алғашқы медалін жеңіп алды. Оны 60 келіге дейінгі салмақта өнер көрсететін Талғат Орнынбасар иеленді.
Бір қызығы, қола жүлде үшін белдесуде Қазақстанның екі өкілі — Орнынбасар мен елдегі ең атақты дзюдошылардың бірі Елдос Сметов кездесті.
Қарсыласының мәртебесіне қарамастан, Талғат Олимпиада чемпионын жеңіп, тұғырдың үшінші сатысына көтерілді.
Осылайша, Орнынбасар Абу-Дабидегі жарыста ұлттық құрамаға алғашқы жүлдені сыйлады.
Олимпиада чемпионы медальсыз қалды
Елдос Сметов үшін турнир жүлдесіз аяқталды. 2024 жылы Парижде өткен Олимпиада ойындарында тарихи алтын медаль жеңіп алған қазақстандық дзюдошы үшінші орын үшін болған шешуші белдесуде отандасына жол берді.
Еске сала кетейік, Сметов — Қазақстан дзюдосы тарихындағы ең атақты спортшылардың бірі. Париж Олимпиадасындағы алтыннан бөлек, оның қоржынында 2016 жылғы Рио-де-Жанейро ойындарының күміс және 2020 жылғы Токио Олимпиадасының қола медальдары бар.
Абу-Дабиде өтетін Grand Slam сериясындағы турнир әлемнің үздік дзюдошыларын жинайды және халықаралық күнтізбедегі ең беделді жарыстардың бірі саналады.
