«Жарқырап қайтуға дайынмын» - Сабина Алтынбекова Бішкекте Шакираның концертіне барады
Қазақстандық волейболшы Сабина Алтынбекова колумбиялық әнші Шакираның концертіне билет тапқанын мәлімдеді, деп хабарлайды Sports24.kz.
Спортшы бұл жаңалығын Instagram парақшасында бөлісті. Ол жарияланымында әншінің концертіне баруды жоспарлап отырғанын айтты.
«Урааа, билет таптым, концертте жарқырап қайтуға дайынмын», — деп жазды Алтынбекова.
Айта кетейік, Шакираның концерті 2026 жылғы 18 қазанда «Las Mujeres Ya No Lloran World Tour» әлемдік туры аясында «Бишкек Аренада» өтеді.
Сабина Алтынбекова - волейбол жұлдызы
Алтынбекова 17 жасынан бастап Қазақстанның түрлі жас санатындағы құрамаларына шақырыла бастады. Ал 2014 жылы волейболдан жасөспірімдер арасындағы Азия чемпионатында танымал болып, турнирдің ең сұлу спортшысы атанды.
Танымалдыққа ие болғаннан кейін Алтынбекова шетелдік командаларда өнер көрсетті. Ол Жапонияның GSS Sunbeams клубында, Біріккен Араб Әмірліктерінің «Аль-Васл» командасында және Индонезияның Yogya Falcons клубында ойнады.
Сабина Алтынбекова қарым-қатынаста ма? Спортшы жауап берді
