Қуат Хамитов UFC аңызымен жекпе-жек туралы мәлімдеме жасады
Қазақстандық аралас жекпе-жек шебері Қуат Хамитов UFC-дің бұрынғы уақытша чемпионы Тони Фергюсонмен жекпе-жек өткізуге қарсы емес, деп хабарлайды Sports24.kz.
Бұл туралы Найман Наурыз Әмірханның блогында мәлімдеді.
Хамитовтың айтуынша, ол — ТМД аңызы, ал Тони Фергюсон — әлемдік аңыз. Егер IBA NOMAD ұйымынан ұсыныс түссе, оны қабылдауға дайын.
Айта кетейік, Қуат Хамитовтың жартылай орта салмақта ресейлік файтер Алексей Махномен жекпе-жек өткізетіні әзірге нақты белгілі. Кездесу 30 қазанда Душанбе қаласындағы Теннис сарайы мен су спорт түрлері кешенінің аренасында өтетін ACA 209 турнирі аясында ұйымдастырылады.
Бұған дейін қос файтер бір-біріне қатысты өткір пікірлер айтқан. Хамитов ресейлік спортшыға: «Дайындал, Тәжікстанда сені зейнет күтіп тұр. Мен ACA-ға қажетсіз файтерлерді қуып шығу үшін келдім», — деген еді. Махно оған: «ТМД-дағы ең шулы жанкүйерлердің көз алдында қарсыласымды қуана соққыға жығамын», — деп жауап берді.
36 жастағы ресейлік Алексей Махноның еншісінде 27 жеңіс пен 13 жеңіліс бар. Ал Қазақстан өкілі, 38 жастағы Қуат Хамитов 25 рет жеңіске жетіп, 9 рет жеңілген және 1 жекпе-жегін тең аяқтаған.
Екеуі де Царукяннан жеңілген
Тони Фергюсон мен Қуат Хамитов Real American Freestyle (RAF) лигасындағы дебюттік жекпе-жектерін бір қарсыласқа — Арман Царукянға қарсы өткізді.
Фергюсон алғаш рет Сент-Луистегі RAF 10 турнирінде кілемге шықты. UFC-дің бұрынғы файтері Царукяннан 0:10 есебімен жеңілді. Жекпе-жек екінші кезеңде техникалық басымдықпен мерзімінен бұрын аяқталды.
Хамитов RAF сапындағы дебютін Тбилисидегі турнирде өткізіп, ол жерде де Царукянмен кездесті. Қазақстандық спортшы ұпай жинай алмады, ал армян файтері 11:0 есебімен жеңіп, кездесуді техникалық басымдығының арқасында мерзімінен бұрын аяқтады.
Тони Фергюсонның мансабы
Тони Фергюсон — UFC-дің жеңіл салмақтағы бұрынғы уақытша чемпионы және The Ultimate Fighter реалити-шоуының 13-маусымының жеңімпазы.
2025 жылы америкалық бокс шаршы алаңында да өнер көрсетті. RAF-тағы дебютіне дейін ол Misfits Boxing промоушені аясында екі бокс жекпе-жегін өткізді.
Қуат Хамитов ММА-да
Қуат Хамитов — аралас жекпе-жекте 2011 жылдан бері кәсіби деңгейде өнер көрсетіп келе жатқан қазақстандық ардагер. Мансабында ол Alash Pride чемпионы атанып, басқа да промоушендерде өнер көрсетті.
2026 жылдың шілдесінде Хамитов Real American Freestyle лигінде дебют жасады. Оның лигадағы алғашқы қарсыласы Царукян болды, қазақстандық спортшы оған 0:11 есебімен жол берді.
