«Левски» — «Зальцбург». Онлайн көру. LIVE-трансляция
Еуропа лигасының негізгі кезеңінің бірінші турында Чемпиондар лигасының үшінші іріктеу кезеңінде «Қайратты» жеңген «Левски» австриялық «Зальцбургпен» ойнайды, деп хабарлайды Sports24.kz.
Болгария чемпионы Чемпиондар лигасының үшінші іріктеу кезеңінде «Қайратты» жеңгеннен кейін, плей-офф кезеңінде грек клубы АЕК-ке жол беріп, Еуропа лигасына түсті. Ал «Зальцбург» еурокубок маусымын дәрежесі бойынша екінші турнирден бастап, қазақстандық жанкүйерлерге жақсы таныс командалармен кездесті.
Үшінші іріктеу кезеңінде австриялықтар кипрлік «Пафосты» жеңсе, плей-офф кезеңінде швециялық «Мьельбюден» басым түсті. Іріктеу кезеңіндегі төрт матчтың үшеуінде жеңіске жеткен «Зальцбург» осылайша Еуропа лигасының негізгі кезеңіне жолдама алды.
Айта кетейік, командалар бұған дейін де кездескен. Бұл УЕФА кубогы Еуропа лигасы болып қайта аталғаннан кейінгі турнирдің алғашқы топтық кезеңінде болған еді: екі матчта да «Зальцбург» 1:0 есебімен жеңіске жетті.
Қарсыластықтың үшінші тарауы 17 қыркүйекте Астана уақытымен 21:45-те Софиядағы Георгий Аспарухов атындағы стадионда жазылады. Матчтың тікелей трансляциясы Qazsport телеарнасында көрсетіледі.
