Царукян Руффиді нокаутқа түсірді, Ван Пантожаны жеңді: UFC 331 турнирінің барлық нәтижесі
Лос-Анджелестегі «Крипто.ком» аренасында UFC 331 турнирі аяқталды. Кештің басты жекпе-жегінде Джошуа Ван Александр Пантожамен кездессе, қосалқы басты айқаста Арман Царукян Маурисио Руффимен октагонға шықты, деп хабарлайды Sports24.kz.
Турнирдің басты жекпе-жегі толық бес раундқа созылды. Нәтижесінде Ван Пантожаны төрешілердің бірауыздан шығарған шешімімен жеңді - 49-46, 49-47, 50-45.
Ал Царукянның жекпе-жегі әлдеқайда ерте аяқталды. Арманға Руффимен кездесуде жеңіске жету үшін алғашқы раундтың өзі жеткілікті болды. 4:56 уақыт белгісінде Царукян бразилиялықты нокаутқа түсіріп, кәсіби мансабындағы 24-жеңісіне қол жеткізді.
Жалпы, UFC 331-де алғашқы раундта аяқталған айқастар аз болған жоқ. Патрисио Фрейре Ту Хо Чхвені 3:28 уақытында нокаутқа түсірсе, Шон Шараф Гейбл Стивсонды жеңу үшін небәрі 12 секунд жұмсады. Райан Гандра да Осман Диаспен кездесуін алғашқы бес минуттықта нокаутпен аяқтады.
Марлон Вера да жекпе-жегін мерзімінен бұрын тәмамдады. Оның Шарль Журденге қарсы айқасы үшінші раундқа дейін жалғасып, Вера техникалық нокаутпен жеңіске жетті.
UFC 331 турнирінің нәтижелері
Негізгі кард:
• Джошуа Ван Александр Пантожаны жеңді - төрешілердің бірауыздан шығарған шешімі (49-46, 49-47, 50-45);
• Арман Царукян Маурисио Руффиді жеңді - нокаут, 1-раунд (4:56);
• Патрисио Фрейре Ту Хо Чхвені жеңді - нокаут, 1-раунд (3:28);
• Шон Шараф Гейбл Стивсонды жеңді - нокаут, 1-раунд (0:12);
• Алонзо Менифилд Иво Бараневскиді жеңді - төрешілердің бөлек шешімі (28-29, 29-28, 29-28);
• Марлон Вера Шарль Журденді жеңді - техникалық нокаут, 3-раунд (2:02).
Алдын ала кард:
• Робелис Деспанье Тай Туивасаны жеңді - төрешілердің бөлек шешімі (29-28, 28-29, 29-28);
• Майкл Асвелл Чу Сан Юды жеңді - төрешілердің бөлек шешімі (29-28, 28-29, 29-28);
• Райан Гандра Осман Диасты жеңді - нокаут, 1-раунд (2:04);
• Эдмен Шахбазян Брунно Феррейраны жеңді - төрешілердің бірауыздан шығарған шешімі (29-28, 29-28, 30-27);
• Кейси О’Нилл Эдуарда Моураны жеңді - қолды ауырту әдісі (armbar), 1-раунд (3:20);
• Жоандерсон Брито Гига Чикадзені жеңді - нокаут, 1-раунд (1:57).
