Царукян Руффиді бірінші раундта нокаутқа түсірді: UFC 331 жекпе-жегіне шолу
Лос-Анджелесте UFC 331 турнирі өтті. Кештің басты оқиғаларының бірі жеңіл салмақтағы Арман Царукян мен Маурисио Руффи арасындағы бес раундқа жоспарланған жекпе-жек болды, деп хабарлайды Sports24.kz.
Алайда кездесу күткеннен әлдеқайда ерте аяқталды. Жеңіл салмақ рейтингінде екінші орында тұрған Царукянға қауіпті бразилиялық нокаутерді тоқтату үшін бір раунд жеткілікті болды.
Жекпе-жек қалай өтті?
Алғашқы минуттардан-ақ Царукян қарсыласына еркін қимылдауға мүмкіндік бермей, Руффиге үнемі қысым жасады. Бразилиялық өзінің басты қаруы - соққы техникасын пайдалануға тырысқанымен, айтарлықтай басымдыққа қол жеткізе алмады.
Жекпе-жектің шешуші сәті алғашқы бес минуттықта-ақ келді. Царукян шабуылға қолайлы сәтті дәл тауып, Руффиді нокаутқа түсірді. Осыдан кейін төреші кездесуді тоқтатып, Арманның мерзімінен бұрын жеңіске жеткенін тіркеді.
Осылайша, Царукян кәсіби мансабындағы 24-жеңісіне қол жеткізіп, жеңісті сериясын жалғастырды. Ал Руффи ММА-дағы үшінші жеңілісіне ұшырады.
Назарларыңызға Арман Царукян - Маурисио Руффи жекпе-жегінің шолуын ұсынамыз:
