Махачев – Топурия: чемпиондық жекпе-жек UFC 317 турнирін басты оқиғаға айналдырады
UFC-дегі аса күтілетін жекпе-жектің егжей-тегжейлері белгілі болды. Жеңіл салмақтағы қазіргі чемпион Ислам Махачев пен испан-грузиндік файтер Илия Топурия сегізбұрышта жолығады. Топурия жақында ауырлау дивизионға ауысуына байланысты өз титулынан бас тартқан еді.
CBS News және Yahoo Sports журналисі Рубен Картердің мәліметіне сәйкес, титулдық кездесу UFC 317 нөмірлі турнирінің басты оқиғасы болмақ. Турнир 2025 жылдың 28 маусымында АҚШ-тың Невада штаты, Парадайз қаласындағы T-Mobile Arena кешенінде өтеді.
Бұл жекпе-жек Махачев үшін белбеуін кезекті қорғау мүмкіндігі болмақ. Ол бір ай бұрын бразилиялық Ренато Мойканоны бірінші раундта тұншықтыру әдісімен жеңіп, төртінші мәрте чемпиондық атағын сәтті қорғаған еді.
Қазіргі таңда дагестандық спортшы UFC P4P рейтингінде бірінші орында, ал Топурия төртінші сатыда тұр. Сарапшылар олардың кездесуін 2025 жылдың ең маңызды жекпе-жектерінің бірі деп бағалауда.
Сондай-ақ оқыңыз: Алмахан UFC-де екінші жекпе-жегін өткізеді – қарсыласы анықталды