«Сибирь» - «Барыс»: ҚХЛ матчының бейнешолуы
«Барыс» «Сибирь» командасын Құрлықтық хоккей лигасының тұрақты чемпионаты аясындағы сырт алаңдағы матчта жеңді. Кездесу астаналық ұжымның пайдасына 1:0 есебімен аяқталды, деп хабарлайды Sports24.kz тілшісі.
Матчтағы жалғыз гол соңғы 20 минутта соғылды. Үшінші кезеңде қонақтар командасының америкалық шабуылшысы Мэйсон Морелли «Сибирь» қақпасын дәл көздеп, астаналық ұжымға жеңіс сыйлады.
Айта кетейік, бұл «Барыстың» ҚХЛ-дағы қатарынан екінші жеңісі және осы маусымда «Сибирь» үстінен алған екінші жеңісі (Астанадағы 7:1 есебінен кейін).
Михаил Кравец шәкірттері 20 ұпай жинап, ҚХЛ тұрақты чемпионатының Шығыс конференциясында екінші орынға көтерілді. 19 қазанда «Барыс» сырт алаңдағы сериясын Хабаровскінің «Амурына» қарсы кездесумен жалғастырады.
Назарларыңызға «Сибирь» - «Барыс» матчының (0:1) бейнешолуын ұсынамыз
