«Барыс» камбэк жасап, ҚХЛ-дағы овертаймда жеңісті жұлып алды
2 қазанда Нижнекамскіде Құрлықтық хоккей лигасы тұрақты чемпионатының матчы өтіп, онда жергілікті «Нефтехимик» астаналық «Барысты» қабылдады, деп хабарлайды Sports24.kz.
«Барыс» матчты мына құраммен бастады:
Шепард (Шутов);
Масси — Данияр, Логвин — Пилон — Бэйли;
Маккошен — Дэй, Симонов — Морелли — Томпсон;
Бритиков — Приски, Омирбеков — Шестаков — Қайыржан;
Әлібек — Оразов, Шайхмеденов — Панюков — Савицкий.
Командалар бірінші кезеңде шайбалар алмасты. Есепті Бэйли ашса, алаң иелері Надворныйдың дәл соққысымен жауап берді. Екінші 20 минуттық кезең де осыған ұқсас сценарий бойынша өтті. Қарсыластар Томпсон мен Белозеровтың шайбаларымен алмасты.
Ал үшінші кезеңнің басында алаң иелері Федотов пен Тянулиннің голдары арқылы екі шайба соқты. Қазақстандық команда берілмей, Омирбеков есеп айырмасын қысқартты (3:4).
Негізгі уақыттың соңғы минутында Пилон есепті теңестіріп, ойынды овертаймға жеткізді. Қосымша уақытта Симонов астаналық командаға жігерлі жеңіс сыйлады — 5:4!
Михаил Кравец шәкірттері үшін бұл жеңіс ҚХЛ-дағы қатарынан үш жеңілістен кейінгі алғашқы табыс болды. 12 ұпайы бар астаналық команда Шығыс конференциясында бесінші орында қалды. «Нефтехимик» 16 ұпаймен екінші сатыда тұр.
4 қазанда «Барыс» қонақта мәскеулік «Спартакпен» кездеседі.
«Нефтехимик» (Нижнекамск, Ресей) — «Барыс» (Астана, Қазақстан) 4:5 ОТ (1:1, 1:1, 2:2, 0:1)
Шайбалар:
0:1 — 04:37 Бэйли (Дэй, Маккошен). Тең құрамда
1:1 — 16:35 Надворный (Кол, Артемьев). Тең құрамда
2:1 — 20:34 Белозеров (Жафяров). Тең құрамда
2:2 — 27:08 Томпсон (Симонов, Морелли). Тең құрамда
3:2 — 44:18 Федотов (Петунин, Точилкин). Сан басымдығында
4:2 — 47:32 Тянулин (Бикмуллин, Митякин). Тең құрамда
4:3 — 49:37 Омирбеков (Приски, Бэйли). Сан басымдығында
4:4 — 59:48 Пилон (Дэй). Тең құрамда, қосымша алаң ойыншысымен
Қақпашылар: Озолин — Шепард
Айып минуттары: 8:6 (4:0, 2:4, 2:2).
