«Адмирал» — «Барыс»: ҚХЛ матчының тікелей трансляциясы. Онлайн көру
Бүгін, 6 қарашада, астаналық «Барыс» Континенталдық хоккей лигасының (ҚХЛ) тұрақты чемпионатындағы кезекті сырт алаңдағы матчын өткізеді. Қазақстандық командаға Владивостоктың «Адмиралы» қарсылас атанады, деп хабарлайды Sports24.kz.
Кездесу Владивостокта өтеді және Қазақстан уақытымен 14:30-да басталады.
«Адмирал» - «Барыс» матчының тікелей трансляциясын «Qazsport» телеарнасынан көруге болады. Эфир 14:30-да басталады.
22 матчтан кейін «Барыс» 25 ұпай жинады, ал «Адмиралдың» еншісінде 23 ұпай бар. Алдыңғы ойында Қиыр Шығыс командасы өз алаңында Санкт-Петербургтің СКА клубын 4:0 есебімен ойсырата жеңді. Ал астаналықтар сырт алаңда челябілік «Трактордан» 1:2 есебімен жеңілді.
Командалар биылғы маусымда 21 қазанда Владивостокта кездескен. Сол жолы «Адмирал» овертаймда 5:4 есебімен жеңіске жеткен.
Ресми турнирлердегі соңғы бес өзара кездесуде «Барыс» қарсыласын екі рет жеңген. Алайда қазір Қазақстан клубының «Адмиралға» қарсы матчтардағы жеңілістер сериясы қатарынан үш ойынға жетті.
