Виктор Зябко: 2:0-ден кейінгі босаңсу бізге қымбатқа түсті
«Оқжетпес» қорғаушысы Виктор Зябко «Астанаға» қарсы өткен ойын туралы пікір білдірді, деп хабарлайды Sports24.kz.
Қазақстан Премьер-Лигасының 12-туры аясында елордадағы «Астана Аренада» өткен тартысты кездесуде «Оқжетпес» командасы «Астанаға» 2:5 есебімен есе жіберді.
- «Ойынның басы біз үшін сәтті басталды. Бапкердің берген тапсырмасын дұрыс орындап, тактикалық тұрғыда ойдағыдай жұмыс жасадық. Жылдам қарсы шабуылдарға шығып, өз мүмкіндіктерімізді пайдалана білдік. 2:0 есебімен алға шыққаннан кейін концентрацияны жоғалтып алдық. Сол сәттегі өз қателіктеріміздің салдары қарсыластың голдарына алып келді».
- «Екінші таймда есеп айырмасын қысқартуға тырыстық. Бар күшімізбен алға ұмтылып, шабуылға көбірек көңіл бөлдік. Алайда шешуші сәттерде сәттілік жетіспей, гол соға алмадық. Командада барлығы соңына дейін күресті, жанкештілік көрсетті. Дегенмен, қарсылас ойыншыларының шеберлігі ойын тағдырын шешіп кетті. Жұмыс істеу керек тұстар көп. Ең бастысы - сағын сындырмай, келесі ойынға тыңғылықты дайындаламыз», - деді Зябко.
Виктор Зябко - Көкшетау футбол мектебінің түлегі. Ол 2024 жылдың басында, бес жыл үзілістен кейін, туған клубына қайта оралған болатын. Қазіргі таңда қорғаушы «Оқжетпес» сапында 31 матч өткізіп, 3 голмен көзге түсті.
12 турдан кейін «Астана» 30 ұпай жинап, турнир кестесінде бірінші орында келе жатыр. Ал «Оқжетпес» 20 ұпаймен бесінші орынға тұрақтады.
Байланысты командалар мен лигалар
