ВИДЕО. Жабық есіктердің артында. Қазақстан - Кюрасао кездесуінде Тағыберген айып добынан қалай гол соқты
Футбол
Нұрбақыт Қадырбаев
Редактор
ФОТО: ҚФФ
Бүгін, 19 наурызда 2026 жылғы әлем чемпионатының іріктеу кезеңі басталар алдында Қазақстан құрамасы мен Кюрасао арасында жолдастық кездесу өтуде.
Ұлттық құраманың капитаны Асхат Тағыберген 36-минутта әдеттегі стилінде айып добын орындап, кездесудегі есепті еселеді. Жақын қашықтықтан допты керемет күшпен ұрды, ол қабырғаны айналып өтіп, тоғыздыққа дәл тиді. Осылайша команда капитаны Пушкаберген лақап атын тағы бір дәлелдеді.
Айта кетейік, бүгінгі кездесуде Максим Самородов есеп ашқан болатын.
Еске салайық, таяуда капитан “Ордабасыдағы” жалақысына қатысты жанжалға тап болды. Шымкент қаласының әкімі Ғабит Сыздықбеков Тағыбергенді сол үшін сынға алды.
