«Тобылдың» қуатты жеке иесі болады: сөз кім туралы?
«Тобыл» жақын арада кәсіпкер Әлішер Ходжаназаровтың жеке меншігіне өтеді, деп хабарлайды Sports24.kz.
Эльдар Аманбаевтың ақпаратына сәйкес, қостанайлық клуб «Олжа Агро» компаниясы арқылы оның бақылауына өтеді. Жаңа иесінің таныстырылымы 14 қыркүйекте өтуі тиіс.
2025 жылдың желтоқсанында Forbes Ходжаназаровтың компаниясын Қазақстандағы ең ірі 75 жеке компанияның тізіміне енгізді. Табысы 40 миллиард теңгеге жуық «Олжа Агро» 40-орынға жайғасты. Компания дәл Қостанай облысында ауыл шаруашылығы саласында жұмыс істейді.
Еске салайық, 2026 жылдың басында «Оқжетпес» те аграрийлердің қолына өтті. Алайда клуб нақты бір адамның емес, Қазақстанның белгілі кәсіпкерлерінің бірі Иван Сауэр басқаратын қоғамдық қордың иелігіне берілді.
Қазіргі ҚПЛ турнирлік кестесінде «Тобыл» жетінші орында тұр. Биыл қостанайлықтар Конференциялар лигасының үшінші іріктеу раундына дейін жетіп, онда сербиялық «Партизаннан» жеңілді.
