«Сәл ғана өткірлік жетіспеді». «Қайрат» капитаны аутсайдерді жеңудегі қиын жеңіс туралы
«Қайрат» капитаны Александр Мартынович Sports24.kz сайтына берген эксклюзивті сұхбатында ҚПЛ-дің 29-туры аясында алматылық команда «Жетісуды» 1:0 есебімен жеңген матчқа пікір білдірді.
«Ойын толықтай біздің бақылауымызда болды. Қиындық гол соғуда туындады. Бұл бізде шықпады. Бәлкім, әсіресе бірінші таймда, өткірлік, айып алаңының алдында қандай да бір шапшаңдық пен қанықтық сәл жетіспеді. Сондықтан біраз созылыңқы ойнадық. Дегенмен алыстан жасалған соққыдан гол соға алдық. Сол себепті қарсылас команда төмен блокпен ойнаған кезде, алыстан соғылатын соққыларды тікелей пайдалану керек шығар», - деді Мартынович.
Алматылық команда қорғаушысы бүгінгі жеңістен кейін «Қайраттың» чемпиондық додадағы мүмкіндігіне де тоқталды.
«Өзімізге келсек, төрт ұпайлық артта қалудың аз емес екенін түсінеміз, бірақ соңына дейін күресеміз, әр матчта жеңіске жетуге тырысамыз. Одан әрі не болатынын уақыт көрсетеді», - деп жауап берді Мартынович.
Еске салайық, 10 қазанда ҚПЛ-дің 28-туры аясындағы матчта «Қайрат» Алматыда талдықорғандық «Жетісуды» қабылдады. Кездесу алаң иелерінің 1:0 есебімен жеңісімен аяқталды. Ойындағы жалғыз голды матч соңында Марк Гуаль соқты.
Осы жеңістен кейін «Қайрат» 60 ұпай жинап, көшбасшыдан бір ұпайға қалып, екінші орында қалды. «Жетісу» бұл жеңілістен кейін 22 ұпаймен соңғы орында қалды.
Алматылық клубтың чемпиондық атақ үшін күрестегі бәсекелесі «Ордабасы» өз матчын 11 қазанда сырт алаңда «Қайсарға» қарсы өткізеді.
