Роналду мәңгілікке жақындай түсті: португалиялық футболшы 982-голын соғып, тарихи мыңдыққа тағы бір қадам жасады
«Әл-Наср» клубының жұлдызды шабуылшысы Криштиану Роналду кәсіби мансабындағы 1000 гол деген тарихи межеге жақындауын жалғастыруда. Португалиялық футболшы Сауд Арабиясы чемпионатындағы матчта өзінің 982-голын соқты, деп хабарлайды Sports24.kz.
41 жастағы шабуылшы 23 қазанда Сауд Арабиясы Про-лигасының 11-туры аясында «Әл-Файсалиге» қарсы сырт алаңдағы кездесуде көзге түсті.
49-минутта Роналду қарсылас қақпасын дәл көздеп, өз командасының басымдығын екі голға жеткізді — 2:0. Бұл гол португалиялық супер жұлдыздың клубтар мен ұлттық құрама сапындағы ресми матчтарда соққан 982-голы болды.
Арада небәрі үш минут өткенде Криштиану дубль жасауға мүмкіндік алды, алайда оның екінші голы офсайдқа байланысты есепке алынбады.
Осылайша, «Алтын доптың» бес дүркін иегеріне 1000 голдан тұратын тарихи межеге жету үшін енді небәрі 18 гол соғу қалды.
Айта кетерлігі, 9 қазанда Роналду «Әл-Дирияға» қарсы матчта (3:0) мансабындағы 980-голын соқса, 12 қазанда өз көрсеткішін 981 голға жеткізді.
