Ризабек әлемдік күрес аңызымен болатын айқас туралы пікір білдірді
Қазақстандық еркін күрес шебері Ризабек Айтмұхан алдағы Астанада өтетін әлем чемпионатында Олимпиада чемпионы әрі әлем чемпионаттарының төрт дүркін жеңімпазы, америкалық Кайл Снайдермен болуы мүмкін жекпе-жек туралы пікір білдірді, деп хабарлайды Sports24.kz.
«Мен одан екі рет жеңілдім. Енді өз жеріміздегі кілемде реванш ала алатыныма сенемін», - деді Ризабек Айтмұхан.
Айта кетейік, Ризабек пен Кайл Снайдердің кездесулері қазақстандық балуан үшін сәтсіз өтіп келеді. Балуандар 18 сәуірде Филадельфияда өткен RAF 08 турнирінде кездескен. Сол жолы Снайдер 12:6 есебімен сенімді жеңіске жетті.
Айтмұхан үшін өз елінде өтетін әлем чемпионаты аса маңызды дода болмақ. Қазақстандық балуан еркін күрестен өнер көрсетеді және 2026 жылғы маусымда 97 келіге дейінгі салмақ дәрежесінде бақ сынайды.
2023 жылы ол ересектер арасындағы еркін күрестен әлем чемпионатында алтын медаль жеңіп алған Қазақстанның тұңғыш өкілі атанып, отандық спорт тарихына енді.
Ризабек Астанада Садулаевпен болуы мүмкін айқас алдында маңызды мәлімдеме жасады
