РЕСМИ. Куртуа мен Рюдигер Райо Вальеканоға қарсы матчқа қатыспайды
Бүгін Испания чемпионатының 27-турында "Реал Мадрид" өз алаңында "Райо Вальеканоны" қабылдайды.
Аталған матчқа мадридтік клубтың екі негізгі құрам ойыншылары қатыспайтын болды. Оның бірі бельгиялық қақпашы Тибо Куртуа. Ал екіншісі германиялық қорғаушы Антонио Рюдигер. Екі футболшы Ла Лиганың 27-турына шақырту алғандар тізіміне енбеді.
32 жастағы қорғаушы тұмауратып қалуына байланысты матч алдындағы командалық жаттығуға қатыспаған болатын. Осыған байланысты "Реал" "Атлетикоға" қарсы қарымта матч қарсаңында қорғаушыға демалыс беруді ұйғарған.
Сондай-ақ, бүгінгі матчқа жартылай қорғаушы Федерико Вальверде да қатыспауы мүмкін. Анчелотти ойыншыларға "Атлетикомен" өтетін матч қарсаңында демалыс беруді жөн санайды.
Айта кетейік, Чемпиондар лигасының аясында өтетін "Атлетико" мен "Реал" арасындағы матч 12 наурызда өтеді.
