«Реал Мадрид» – «Сельта». 7 желтоқсан. Онлайн көру. Live көрсетілім
«Реал» қайта «Бернабеуге» оралады
Футбол
Аружан Темірбек
Редактор
ФОТО: Getty images
8 желтоқсанға қараған түні мадридтік «Реал» ұзаққа созылған алты сырт алаңдық кездесуден кейін тарихи «Сантьяго Бернабеуге» қайта қадам басады. Ла Лиганың 15-туры аясында Корольдік клуб өз алаңында «Сельтаны» қабылдайды.
Хаби Алонсо командасы матчқа жоғары көңіл-күймен келеді. Өткен турда мадридтіктер «Атлетиктен» айқын басым түсіп, 3:0 есебімен маңызды жеңіс тіркеді. Бұл нәтиже «Реалға» 36 ұпаймен турнир кестесінде 2-орынды нық сақтап тұруға мүмкіндік берді.
- Матчтың барлық ең қызықты сәттерін Sports24.kz Telegram-арнасында live режимде көруге болады!
Ал «Сельта» керісінше күрделі кезеңді бастан өткеруде. «Эспаньолдан» 0:1 есебімен ұтылған соң, галисиялық клуб 16 ұпаймен 13-орынға сырғып түсті.
Кездесу Астана уақытымен 01:00-де басталады. Матчтың тікелей трансляциясы Setanta Sports арнасында көрсетіледі.
