Бокс секілді. Беллингем «Реалдың» жеңілісінен кейін қасы жарылып қалды

Ағылшын футболшысы «Сельтаға» қарсы матчта боксшыға ұқсап қалды

Футбол 07 жел 2025 17:45

Дамир Кошечкин

Журналист

Жетінші желтоқсаннан сегізіне қараған түні мадридтік «Реал» өз алаңында күтпеген жерден «Сельтадан» 0:2 есебімен жеңіліп қалды.

Бұл Испания Ла Лигасының 15-турындағы ойында галисиялық команданың сапында Виллиот Сведберг дубль авторы атанды. Оның алғашқы голы мадридтіктердің қақпасына өкшесімен салынды.

Сондай-ақ «бланкос» сапында Фран Гарсия мен Альваро Каррерас қызыл қағаз алып, командасын қиын жағдайда қалдырды.

Ойын барысында, бір эпизодта, нағыз боксшыларша, «Реалдың» көшбасшысы Джуд Беллингемнің қасы жарылып кетті.

Осы матчтан кейін мадридтік «Реал» 36 ұпаймен Ла Лигада екінші орында тұр. Ал «Сельта» 19 ұпаймен әзірге оныншы сатыда.