Португалия футбол федерациясы Криштиану Роналдумен ерекше қоштасу рәсімін өткізеді
Португалия футбол федерациясы ұлттық құрамадан кететінін жариялаған Криштиану Роналдуға арналған арнайы іс-шара ұйымдастыруды жоспарлап отыр, деп хабарлайды Sports24.kz.
5 қарашада 41 жастағы шабуылшы португалиялық жанкүйерлерге бес минуттық бейнеүндеу жариялап, онда халықаралық мансабын аяқтайтынын ресми түрде мәлімдеді.
Осыған байланысты федерация мәлімдеме жасап, футболшыға ұлттық құраманың тарихына қосқан үлесі үшін алғыс білдірді.
Ұйым Роналдудың бұл шешімін лайықты қоштасусыз қалдырмайтынын атап өтті. Федерация жанкүйерлер мен бүкіл елге бұрынғы капитанына тағы бір мәрте ризашылығын білдіруге мүмкіндік беретін арнайы іс-шараны дайындауға қатысуды жоспарлап отыр.
«Бұл қоштасудың тиісті құрметсіз өтуіне жол бермейміз. Бізде Криштиану Роналдудың даңқты мансабына лайық іс-шара ұйымдастыруға деген нық ниет бар. Жанкүйерлер мен бүкіл ел бізге соншама көп нәрсе сыйлаған ойыншыны қайтадан қарсы алып, оған алғыс айта алуы керек», - делінген федерация мәлімдемесінде.
Роналду 2003 жылдан бері Португалияның негізгі құрамасында өнер көрсетіп келеді. Осы уақыт ішінде ол 234 матч өткізіп, 146 гол соқты және ұлттық құрама тарихындағы үздік сұрмерген атанды.
Шабуылшы португалиялықтармен бірге 2016 жылы Еуропа чемпионатында жеңіске жетті. Сонымен қатар Ұлттар лигасының 2018/19 және 2024/25 маусымдарында екі рет чемпион атанды.
Роналду ұлттық құрамадағы мансабын аяқтады: Қазақстан оның ұлы тарихының бір бөлігіне айналды
