Пау Кубарси Golden Boy-2026 сыйлығының иегері атанды
«Барселонаның» 19 жастағы қорғаушысы Пау Кубарси Еуропаның үздік жас футболшысына табысталатын беделді Golden Boy-2026 жеке сыйлығының иегері атанды, деп хабарлайды Sports24.kz.
Сыйлықты жыл сайын италиялық Tuttosport басылымы табыстайды. Ол Еуропаның жетекші чемпионаттарында өнер көрсететін 21 жасқа толмаған ойыншыларға беріледі.
Өткен маусымда Кубарси «Барселона» сапында барлық турнирде 48 матч өткізіп, бір гол соқты. Испаниялық футболшы каталондық клубпен бірге ел чемпионы атанып, Испания Суперкубогын жеңіп алды.
Сонымен қатар қорғаушы Испания құрамасымен әлем чемпионы атанып, турнирдің үздік жас ойыншысы ретінде жеке марапатқа ие болды.
Өткен жылы Golden Boy сыйлығын ПСЖ намысын қорғайтын франциялық шабуылшы Дезире Дуэ иеленген еді.
Айта кетейік, Кубарси бұл марапатқа ие болған «Барселонаның» кезекті өкілі атанды. Бұған дейін сыйлықты Лионель Месси, Педри, Гави және Ламин Ямаль да жеңіп алған.
