Нұралы Әліп пен Максим Самородов «Қайраттың» Чемпиондар лигасындағы тарихи жетістігіне пікір білдірді
«Қайраттың» Чемпиондар лигасына тарихи жолдама алуы жанкүйерлермен қатар, Қазақстан ұлттық құрамасының ойыншылары арасында да үлкен қуаныш тудырды.
Санкт-Петербургтің «Зенит» клубы өзінің телеграм-арнасында қорғаушы Нұралы Әліптің бейнеролигін жариялады. Онда ол алматылықтардың Шотландияның «Селтигіне» қарсы ойынын тікелей эфирде тамашалап отырған сәтінде түсірілген. Еске сала кетейік, матч 0:0 есебімен аяқталып, пенальти сериясында «Қайрат» 3:2 есебімен жеңіске жетті.
«Қайрат - Чемпиондар лигасында! Алғаш рет, иә», - деді Әліп бейнероликте.
Құттықтауларға «Зениттің» өзі де қосылып: «Алға! Нұримен бірге «Қайратты» Чемпиондар лигасына тарихи шығуымен құттықтаймыз», — деп жазды.
Қазақстан құрамасының жартылай қорғаушысы, қазір Грозныйдың «Ахмат» клубында ойнап жүрген Максим Самородов та назардан тыс қалмады.
Ол әлеуметтік желідегі парақшасында: «Чемпиондар лигасына тарихи шығуымен құттықтаймын», — деп жазды.
Бұл жетістік «Қайрат» үшін жаңа белес болды. Бұған дейін клуб тек бір рет қана күзгі кезеңде өнер көрсеткен — 2021/22 маусымында. Ол кезде алматылықтар Хайфаның «Маккабиін» жарыстан шығарғанымен, келесі раундта Белградтың «Црвена Звездесіне» жол берген еді.
Сондай-ақ Алматы «Қайраттың» Чемпиондар лигасындағы триумфын тойлауда.
