Қала ұйықтар емес: Алматы «Қайраттың» Чемпиондар лигасындағы триумфын тойлауда
Алматылық «Қайрат» сенсация жасады – команда өз тарихында алғаш рет УЕФА Чемпиондар лигасының топтық кезеңіне жолдама алды.
Драмалық плей-оффта алматылықтар Шотландияның «Селтигін» жеңді. Негізгі және қосымша уақыт тең аяқталды, ал тағдырды пенальти сериясы шешті. Бұл жерде қазақстандық клуб 3:2 есебімен басым түсті.
Қорытынды ысқырық шалынған сәтте стадион шаттыққа бөленіп, бірнеше минуттан соң Алматы көшелерін мыңдаған жанкүйерлер толтырды. Клубтық шарф пен жейде киген олар қала бойы сап түзеп, «Қайрат!» деп ұрандата жүрді. Тулар, әндер мен эмоция теңізі бұл кешті нағыз ұлттық мерекеге айналдырды. Қазақстан футболы үшін бұл оқиға тарихи белес болып саналады.
Енді «Қайрат» ішкі бәсекелерге қайта оралады: 31 тамыз күні команда ел чемпионатының 22-турында сырт алаңда «Оқжетпеспен» кездеседі. Ал ең басты оқиға алда – Чемпиондар лигасының топтық кезеңіндегі дебют. Жарыстың алғашқы туры 16–18 қыркүйек аралығында өтеді.
