Микель Артета «Тоттенхэмді» жеңгеннен кейін бапкерлік рекорд орнатты
Испандық маман Лондон дербилеріндегі ең жоғары жеңіс пайызын иеленді
ФОТО: Getty Images
22 ақпанда ағылшын футболындағы ең маңызды матчтардың бірі өтті — Премьер-лиганың 27-турында «Тоттенхэм» өз алаңында «Арсеналды» қабылдады.
«Канонирлер» басты қарсыласын 4:1 есебімен ойсырата жеңіп, Виктор Дьекереш пен Эберечи Эзенің дубльдерінің арқасында айқын басымдық көрсетті. Қосымша ақпарат
Айта кету керек, «Арсеналдың» бас бапкері Микель Артета қазір Премьер-лигада 20-дан астам Лондон дербиін өткізген барлық бапкерлердің ішінде ең жоғары жеңіс пайызын иеленіп отыр:
• 61% – Микель Артета (69 ойынның 42-сінде жеңіске жетті)
• 60% – Жозе Моуринью (70 ойынның 42-сінде жеңіске жетті)
• 55% – Арсен Венгер (194 ойынның 106-сында жеңіске жетті).
«Арсенал» қазір «Манчестер Ситиден» бес ұпайға алда, алайда Артета командасы бір ойын артық өткізген.
