«Менен ешкім мықты болған жоқ!»: Мбаппе «Алтын допты» жеңіп алу мүмкіндігі туралы батыл айтты
Килиан Мбаппе «Алтын допты» жеңіп алу мүмкіндігін жоғары бағалайтынын жасырмайды, деп хабарлайды Sports24.kz.
L'Équipe басылымына берген сұхбатында 2026 жылғы «Алтын допты» жеңіп алу мүмкіндігі туралы сөз қозғаған «Реал» шабуылшысы өз маусымына таңғаларлық сеніммен баға берді.
Мбаппе өз пікірінше, қарсыластарының ешқайсысы одан мықты маусым өткізбегенін айтып, беделді жеке марапатқа басты үміткерлердің бірі екенін анық білдірді.
«Менен жақсы маусым өткізген бірде-бір ойыншы жоқ. Менің мүмкіндігім бар деп сенемін», – деді Мбаппе L'Équipe басылымына.
Айта кетейік, Мбаппе Чемпиондар лигасының жаңа маусымын тағы бір маңызды жетістікпен бастады. Ол «Реалдың» «Сантьяго Бернабеуде» «Интерді» 2:1 есебімен жеңген матчында гол соғып, бұл турнирдегі мансабындағы голдар санын 71-ге жеткізді. Осылайша ол Рауль Гонсалеспен теңесіп, турнир тарихындағы үздік сұрмергендер тізімінде бесінші орынға көтерілді. Франциялық футболшы сондай-ақ 2026 жылғы «Алтын допқа» үміткерлер қатарында.
