«Барселона» үшін апат! Тағы бір жұлдызды ойыншы Эль-Класиконы өткізіп алуы мүмкін
«Барселонадағы» жарақаттар мәселесі Эль-Класикоға бірнеше күн қалғанда ушықты, деп хабарлайды Sports24.kz.
Ханси Флик «Реалға» қарсы шешуші матчта тағы бір маңызды қорғаушысынан айырылуы мүмкін, өйткені Жюль Кунде қалпына келу үшін уақытпен жарысуға мәжбүр.
The Touchline басылымы журналист Фернандо Полоға сілтеме жасап хабарлағандай, Кунденің «Реалға» қарсы Эль-Класикоға қатысуы үлкен сұрақ белгісінде тұр. Француз қорғаушысының сол жақ тобық байламдары созылып кеткен. Клуб та оның Класикоға қатысуы қалпына келу барысына байланысты болатынын атап өтті. Соңғы шешім әзірге қабылданған жоқ.
Флик үшін бұл өте сәтсіз уақыт болып тұр. Каталониялық клуб Эрик Гарсия мен Дани Ольмоның жарақаттарымен де бетпе-бет келді. Гарсия жамбасынан алған жарақатына байланысты бірнеше аптаға қатардан шықты, ал Ольмо «ПСЖ»-мен матчта жамбасындағы әкелуші бұлшықетін жарақаттап, шамамен төрт апта алаңға шыға алмайды. Жарақат алғандар тізімінің ұлғаюы маусымдағы ең маңызды матчтардың бірі алдында Фликтің таңдау мүмкіндігін одан әрі шектеп отыр.
Айта кетейік, «Барселона» 25 қазанда «Камп Ноуда» «Реалды» қабылдайды.
