КПЛ-дың тұтас туры басқа күнге ауыстырылды: себеп белгілі болды
Қазақстан Премьер-лигасы чемпионаттың 23-турын 23 тамыздан басқа күнге ауыстырғанын хабарлады, деп жазады Sports24.kz.
КПЛ мәліметінше, турдың ауыстырылуына себеп – Курултай сайлауы. ҚР Мәдениет және спорт министрлігінің бұйрығына сәйкес, 23 тамызға жоспарланған барлық спорттық іс-шаралар кейінге шегеріледі.
- Сондай-ақ оқыңыз: «Атырау» клубында жаңа қаржылық қиындықтар анықталды
«Қазақстан Республикасы Туризм және спорт министрлігінің Спорт және дене шынықтыру істері комитетінің 2026 жылғы 28 шілдедегі хатына сәйкес, 2026 жылғы 23 тамызға жоспарланған барлық спорттық жарыстар осы күні өтетін Курултай сайлауына байланысты кейінге шегеріледі.
Осыған байланысты Премьер-лига клубтары арасындағы Қазақстан чемпионатының 23-тур матчтары басқа күндерге өтеді. 23-тур ойындарының жаңа мерзімдері жайлы қосымша хабарланады», — делінген ҚФФ баспасөз хабарламасында.
Айта кетерлігі, 23 тамызда 23-турдың сегіз матчынан алтауы өтуі тиіс еді, оның ішінде «Астана» — «Каспий» және «Ақтөбе» — «Ордабасы» кездесулері бар. 22 тамызда «Оқжетпес» — «Қызылжар» және «Қайрат» — «Ертіс» матчтары жоспарланған болатын.
