Кейн «Алтын доп» иегерін марапаттау рәсіміне дейін білгісі келетінін мойындады
Мюнхеннің «Бавариясы» мен Англия құрамасының шабуылшысы Гарри Кейн алдағы «Алтын доп» марапаттау рәсімінен не күтетінін айтты, деп хабарлайды Sports24.kz.
Футболшының айтуынша, оның отбасы нәтижелердің жариялануын тағатсыздана күтіп отыр. Кейннің жұбайы марапат иесінің есімін алдын ала білгісі келеді, алайда ұйымдастырушылар әзірге интриганы сақтап отыр.
«Жұбайым нәтижені қазірден білгісі келеді, отбасым қатты алаңдап отыр. Барлық жұлдыздардың рәсімге қатысуы үшін ұйымдастырушылардың үнсіздікті сақтағысы келетінін түсінемін, бірақ мен де нәтижені қазірден білгім келеді», - деп шабуылшының сөзін инсайдер Фабрицио Романо әлеуметтік желілерде келтірді.
«Алтын доп» марапаттау рәсімі 26 қазанда Лондонда өтеді. Әлемдік футболдағы басты жеке марапат алғаш рет Франциядан тыс жерде табысталады - шара өтетін орын ретінде London Palladium таңдалды.
Жеңімпаздың есімі жарияланатын сәтке аз уақыт қалды, ал букмекерлік нарықтағы интрига айтарлықтай бәсеңдеді. Қазан айының басында Ламин Ямаль көш бастаған еді. Енді жағдай қайта өзгерді: Гарри Кейн ірі букмекерлік кеңселердің басым бөлігінде айқын фаворит саналады. Оның басымдығы барған сайын артып келеді. Өткен жылдың қорытындысы бойынша марапат «Пари Сен-Жермен» шабуылшысы Усман Дембелеге бұйырған болатын.
