Қазақстан құрамасының бас бапкері Конференциялар лигасында «Қайраттың» ойсырай жеңілгеніне куә болды
Нидерланд маманының бұл сапары ұлттық құрамаға шақырту алуы мүмкін футболшыларды жоспарлы түрде бақылау аясында өтті. Құрама жаттықтырушылар штабы үшін ойыншыларды тікелей бақылау аса маңызды: бұл олардың қазіргі физикалық дайындығын, тактикалық сауаттылығын және халықаралық деңгейдегі қарқынды матчтарда шешім қабылдау қабілетін объективті бағалауға мүмкіндік береді.
Джон ван ’т Схип Қазақстан футболшыларының ел чемпионатындағы және еуропалық аренадағы өнерін жіті бақылауын жалғастырып, ұлттық құраманың сапын жасақтау үшін жан-жақты ақпарат жинауда.
Еске сала кетейік, қараша айында Қазақстан құрамасы УЕФА Ұлттар лигасында кезекті матчтарын өткізеді. 13 қарашада командамыз сырт алаңда Молдоваға қарсы ойнаса, 16 қарашада Астанада Словакия құрамасын қабылдайды.
