Хаби Алонсо «Челсиде» екі жұлдызды сақтап қалмақ
«Челсидің» жаңа бас бапкері Хаби Алонсо команданы басқаруға дайындалып жатыр және бірқатар жұлдызды ойыншылардың болашағына қатысты шешім қабылдап үлгерді, деп хабарлайды Sports24.kz.
Джек Россердің ақпаратына сәйкес, испаниялық маман Энцо Фернандесті клубта қалдыруға бел буып отыр және жартылай қорғаушыны жеке өзі алып қалуға тырысады. Сондай-ақ, Алонсо Марк Кукурельямен де осыған ұқсас келіссөздер жүргізіп, қорғаушының келесі маусымда «Челсиде» ойнауын қамтамасыз етпек.
Бұған дейін «Манчестер Юнайтед» пен «Манчестер Сити» Кукурелья үшін күреске қосылғаны айтылған еді. Хабарларға қарағанда, «Челси» испаниялық қорғаушыны шамамен 50 миллион еуроға бағалап, Еуропаның бірнеше алпаут клубтарының назарын тартты.
Айта кетейік, бұған дейін Роман Абрамовичтің досы Дастан Сатпаевтың «Челсиге» трансферіне қатысты ақиқатын ашқан болатын.
