Франция Суперкубогындағы сенсация: неге «ПСЖ» «Лансқа» жол берді?
«Ланс» 2026 жылғы Франция Суперкубогының жеңімпазы атанды – олар «ПСЖ»-ны 1:0 есебімен жеңіп, кубокты иеленді, деп хабарлайды Sports24.kz.
Ойынның жалғыз голын «Ланс» жартылай қорғаушысы Флориан Товен 32-минутта соқты. «Ланс» қорғаушысы Киллиан Антонио 39-минутта орталық алаңдағы дөрекі шалыс үшін алаңнан қуылды. «ПСЖ» қорғаушысы Нуну Мендеш 86-минутта қарсыласын итергені үшін тікелей қызыл қағаз алды.
Өткен маусымда Луис Энрике баптайтын команда Франция чемпионатын жеңіп, 34 турда 76 ұпай жинады. «Ланс» 70 ұпаймен екінші орынға жайғасты. Ланс клубы Франция Кубогын да жеңіп алды. Финалда «Ланс» «Ниццаны» 3:1 есебімен тізе бүктірді.
«ПСЖ» бас бапкері Луис Энрике командасының жеңілісі туралы пікір білдірді:
«Оң жағынан айтар болсам, финалға шыққан болсаң, демек, бір нәрсені дұрыс жасадың. Біз өзім күткен деңгейден де жақсы ойнадық. Өте жақсы ойын көрсеттік, сәттер жасадық, бірақ гол соға алмадық. Футбол осылай. Қарсыласты құттықтау керек. Шаршамадық, бірақ маусымның осы кезеңінде көптеген оң сәттерді байқадым. Біз жақсы ойын өткіздік. Өмір осылай, футбол да. Нәтижені қабылдап, қарсыласты құттықтап, алға жылжу керек».
