ФОТО. Роналду Даниядан жеңілгеннен кейін Instagram-да хабарлама жариялады
Футбол
Наурызбай Қанатұлы
Фото: gettyimages
Португалия құрамасының шабуылшысы Криштиану Роналду Ұлттар лигасының 1/4 финалының бірінші матчында Даниядан жеңілгеннен кейін (0:1) әлеуметтік желіде пост жариялады.
Матчты толық өткізген 40 жастағы форвард матчты нәтижелі әрекеттерсіз өткізген болатын.
"Бізде бәрін өзгерту үшін 90 минут бар. Соңына дейін күресеміз, Португалия!" - деп жазды Роналду.
Айта кетейік, Португалия мен Дания арасындағы Лиссабондағы жауапты ойын 23 наурызда, Қазақстан уақыты бойынша 00:45-те өтеді.
Саудиялық "Әл-Наср" клубында ойнайтын шабуылшы осы маусымда барлық турнирлерде 39 ойынға қатысып, 33 гол соғып, 5 голдық пас берген.
