Фото. Холандтың масқара қателігі. Эрлинг қалайша бос қақпаға дәл көздей алмады?
16 тамыз күні Англия Премьер-лигасының 1-турындағы ойында «Манчестер Сити» сырт алаңда «Вулверхэмптонға» қонаққа барды. Хосеп Гвардиола шәкірттері алғашқы минуттардан-ақ өз үстемдігін танытып, тайм ортасына дейін есепте сенімді басымдыққа жетті.
19-минутта күтпеген жағдай орын алды – Эрлинг Холанд бос қақпаны дәл таба алмай, айқын мүмкіндікті жіберіп алды. Алайда норвегиялық форвард көп ұзамай қателігін түзетті: 34-минутта ол қақпаны қуатты соққымен дәл көздеп, есеп ашты. Бірнеше минуттан соң Тиджан Рейндерс есепті еселей түсті. Осылайша, үзіліске дейін таблодағы көрсеткіш 0:2 болып, қонақтардың пайдасына өзгерді.
«Манчестер Сити» жаңа маусымға тағы да басты фаворит ретінде кірді. Жанкүйерлер арасында жүргізілген сауалнамаға сәйкес, 15 пайыз жанкүйер Хосеп Гвардиола командасын 2025/26 жылғы маусымда АПЛ чемпионы атануға басты үміткерлердің бірі деп санайды.
