Фото. Джамал Мусиала «Бавария» матчында гол соққаннан кейін есінен танып қалды
«Баварияның» жартылай қорғаушысы Джамал Мусиала «РБ Лейпцигке» қарсы жолдастық матч кезінде есінен танып қалды. Оқиға кездесудің соңына қарай, 23 жастағы футболшы гол соққаннан кейін көп ұзамай болды, деп хабарлайды Sports24.kz.
Мусиаланың жағдайы нашарлағанын алғашқылардың бірі болып командаласы Исмаил Сайбари байқады. Ол Джамалды дер кезінде ұстап қалып, алаңға құлап кетуіне жол бермеді.
Дәрігерлер бірден алаңға шығып, футболшыға бірнеше минут бойы медициналық көмек көрсетті. Артынша Мусиала есін жиып, алаңнан өз аяғымен шығып кетті. Оның орнына Бара Ндиайе ойынға қосылды.
Неміс БАҚ-тарының мәліметінше, футболшының жағдайының нашарлауына аптап ыстық себеп болуы мүмкін. Алғашқы медициналық тексеру кезінде жартылай қорғаушының денсаулығына қатысты күрделі мәселе анықталмаған. Енді оған толық қалпына келу үшін демалыс беріледі.
Кездесу «Баварияның» 3:1 есебіндегі жеңісімен аяқталды.
Осы жағдаймен қатар Мусиаланың болашағына қатысты трансферлік әңгімелер де жалғасып жатыр. Бұған дейін бірқатар БАҚ пен инсайдерлер «Галатасарайдың» неміс футболшысын қатарына қосу мүмкіндігін қарастырып жатқанын хабарлаған еді.
Олардың мәліметінше, 23 жастағы жартылай қорғаушы мансабын Түркияда жалғастырып, «Галатасарайға» жалға берілуі мүмкін болған. Алайда бұл ақпарат ресми түрде расталған жоқ.
Кейін «Галатасарай» арнайы мәлімдеме жасап, Мусиаланың ықтимал трансфері туралы ақпаратты жоққа шығарды. Осылайша, қазіргі уақытта түрік клубы мен «Бавария» арасында футболшыға қатысты келіссөздер жүріп жатқаны ресми түрде расталмаған.
