locale KZ
KZ - Қазақ RU - русский

Еуро іріктеуінде Қазақстан топ жеңімпазы атанды

Грузияның Кутаиси қаласында өткен кездесу 1:1 есебімен аяқталды
Футбол
Еуро іріктеуінде Қазақстан топ жеңімпазы атанды
ФОТО: КФФ

Қазақстанның футболдан жасөспірімдер құрамасы (U-17) 2027 жылғы Еуропа чемпионатының іріктеу кезеңінің бірінші раунды аясындағы соңғы матчта Грузиямен тең түсті, деп хабарлайды Sports24.kz.

Бірінші тайм алаң иелерінің басымдығымен өтті. 42-минутта Андрия Очигаваның голы грузин командасын алға шығарды.

Қазақстандықтар матч соңында жеңілістен құтылды. 87-минутта Әли Садырбаев қарсылас қақпасына гол соғып, есепті теңестірді — 1:1.

Осылайша, Русланжан Раимбаевтың шәкірттері төрт ұпай жинап, 14-топта бірінші орын алды. Бұған дейін қазақстандықтар Австрияны 7:0 есебімен ойсырата жеңген еді.

Екі ұпай жинаған Грузия екінші орынға жайғасты. Австрия құрамасы бір ұпаймен іріктеу кезеңін соңғы орында аяқтады.

Бірінші раундтың қорытындысы бойынша Қазақстан іріктеудің екінші кезеңіндегі А лигасына жолдама алды. Бұл кезеңге барлығы 28 құрама — топ жеңімпаздары мен екінші орын алған командалар шығады. Тағы 26 ұлттық құрама В лигасында күресін жалғастырады.

Іріктеудің екінші раунды 2027 жылдың көктемінде өтеді. Оның қорытындысы бойынша Еуропа чемпионатының финалдық кезеңінде турнир қожайыны Латвияға қосылатын жеті құрама анықталады.

Sports24.kz 163 мың жазылушы
Басты жаңалықтардан хабардар болыңыз! Жаңалықтар, нәтижелер және спорттағы ең жарқын сәттер. Жазылып, маңызды оқиғалардан хабардар болыңыз!
Пікірлер
Пікір қалдыру үшін тіркелуіңіз керек
Для сіздің ыңғайлылығыңыз бен қауіпсіздігіңіз үшін біз файлдар cookie