«Ертіс» - «Астана»: құрамдар, ҚПЛ матчын тікелей эфирде көру
Бүгін, 14 қазанда, «Ертіс» пен «Астана» Қазақстан Премьер-лигасының 18-туры аясындағы кейінге шегерілген матчта кездеседі. Ойын Павлодарда өтіп, Астана уақытымен сағат 15:00-де басталды, деп хабарлайды Sports24.kz.
Алдағы матч екі команда үшін де турнирлік тұрғыдан маңызды. «Астана» ҚПЛ турнирлік кестесінде 26 матчтан кейін 48 ұпай жинап, үшінші орында тұр. Елордалық клуб үздік үштіктегі орнын сақтап қалу үшін күресіп жатыр. Оның ең жақын қарсыластары «Ақтөбе» мен «Оқжетпес» командаларының еншісінде 45 ұпайдан бар.
Ал «Ертіс» турнирлік кестенің 13-сатысында орналасқан. Павлодарлық команда 26 кездесуде 26 ұпай жинап, Премьер-лигадағы орнын сақтап қалуға тырысып жатыр. Қауіпті аймақтан арадағы айырмашылық - екі ұпай.
Матч Павлодардағы Орталық стадионда өтеді. Кездесудің тікелей трансляциясын Qazsport телеарнасынан және KFF LEAGUE YouTube-арнасынан көруге болады.
Командалардың негізгі құрамдары:
«Ертіс»: Мирас Рихард; Рамазан Каримов, Марко Евтич, Самуэль Опэ, Бахтияр Төлеуов, Сағи Малиқайдар; Руслан Юденков, Юши Шимамура, Давид Есімбеков, Жан Морел По; Тимур Мұхаметжанов.
«Астана»: Мұхаммеджан Сейсен; Ян Вороговский, Кипрас Казуколовас, Әлібек Қасым, Карло Бартолец; Дінмұхамед Қараман, Иван Башич, Бауыржан Исламхан; Дамир Марат, Марин Томасов, Рамазан Каримов.
