Драмалық шешім: Кейннің «Алтын доп» үшін күресте Мбаппеден қанша ұпайға озғаны белгілі болды
«Баварияның» ағылшын шабуылшысы Гарри Кейн 2026 жылғы «Алтын доп» үшін күресте «Реалдың» француз форварды Килиан Мбаппеден 41 ұпайдан аз айырмашылықпен озды, деп хабарлайды Sports24.kz.
Беделді француздық France Football басылымының мәліметінше, нәтижелі екі сұрмерген арасындағы тартыс дауыс беру тарихындағы рекордтық көрсеткіштермен аяқталып, олардың арасындағы айырмашылық өте аз болды. Бірінші және екінші орын арасындағы қорытынды алшақтық 2024 жылы испаниялық Родри мен бразилиялық Винисиус Жуниор арасындағы тарихи 41 ұпайлық айырмашылықтан да аз болып шықты.
Француз ұйымдастырушылары дауыс берудің бөлінуі испаниялық үміткерлерге байланысты болғанын да атап өтті. «Барселонаның» шабуыл көшбасшысы Ламин Ямаль мен тірек жартылай қорғаушы Родри халықаралық қазылар алқасы берген ұпайлардың едәуір бөлігін өзара бөлісті. Нәтижесінде бұл жалпы есепте ағылшын сұрмергенінің пайдасына шешілді.
Айта кетейік, 33 жастағы Кейннің жеңісі футбол әлемінің ширек ғасырлық күтуіне нүкте қойды: шабуылшы 2001 жылы Майкл Оуэннің триумфынан кейін «Алтын допты» иеленген алғашқы ағылшын атанды.
Оның Бундеслига мен УЕФА Чемпиондар лигасындағы тамаша статистикалық көрсеткіштері Англия құрамасының капитанына өз есімін спорт тарихындағы ұлы сұрмергендер пантеонына жазуға мүмкіндік берді.
Бұған дейін Кейннің «Алтын допты» жеңіп алғанын қарқынды атап өткенін хабарлаған едік.
