«Диванда жатып, күттім»: «Бавария» директоры Компаниға қатысты түнгі сағат 3-тегі күлкілі оқиғаны айтып берді
«Баварияның» спорт директоры Макс Эберль түнгі сағат үште Венсан Компаниның үйіндегі диванда жатып, бельгиялық маман клубты басқаруға келісімін бергенше кетуден бас тартқанын айтып берді, деп хабарлайды Sports24.kz.
«Баварияның» ресми клуб журналына берген сұхбатында 51 жастағы Эберль 2024 жылы спорт директоры Кристоф Фройндпен бірге Манчестерге барған сапарын еске алды.
Түнгі сағат 3-те Компани бұл шешімді ой елегінен өткізіп, әйелімен кеңескісі келетінін айтты. Эберль кетудің орнына диванға жатып алды. Бапкер оның әрекетіне күмән келтіргенде, Эберль Ули Хёнесс оған қол қойылған келісімсіз үйден шығуға тыйым салғанын айтып әзілдеді.
Нәтижесінде Компани «Бавариядағы» жұмысқа келісім берді, алайда алдымен әйелімен сөйлесіп алуды талап етті. Эберль күліп, бельгиялық маман ақырында оны үйінен итеріп шығарып жібергенін мойындады. Осы бір ерекше кездесу бас бапкерді таңдау процесін аяқтады. Ал бұл процесс бастапқыда көптеген сарапшыны таңғалдырған еді.
Айта кетейік, Компани 2024 жылдың жазында «Баварияның» бас бапкері болып тағайындалды. Содан бері ол командамен бірге Бундеслиганың екі титулын және Германия кубогын жеңіп алды.
Айтпақшы, Венсан денсаулығына байланысты мюнхендік алпауыттың жаттықтырушылар орындығында алдағы бірнеше апта бойы болмайды.
