«Барселонаның» жұлдызды шабуылшысы ПСЖ-ға ауысуға келісім берді
Францияның алпауыт клубы ПСЖ бұл жазғы трансферлік терезенің ең даулы трансферлерінің біріне дайындалуда, деп хабарлайды Sports24.kz тілшісі.
Испаниялық Sport басылымының мәліметінше, «Барселонаның» 26 жастағы шабуылшысы Ферран Торрес ПСЖ-ға ауысуға түпкілікті келісімін беріп, клубтар арасындағы ресми келіссөздердің басталуына жасыл жарық жақты. Қазіргі уақытта каталондық клуб Франция чемпиондары әрі УЕФА Чемпиондар лигасының жеңімпазынан ресми ұсынысты күтуде.
Париждік клубтың басшылығы испаниялық форвард келесі аптада «Барселонаның» маусым алдындағы жаттығуларына оралмай тұрып, трансферді аяқтауға бар күшін салуда.
Айта кету керек, өткен маусымда Ферран Торрес «Барселона» сапында барлық турнирлерде 45 матч өткізіп, 20 гол соқты. Абыройлы Transfermarkt порталы 26 жастағы ойыншыны 55 миллион еуроға бағалап отыр.
Бұған дейін біз Ламин Ямальдың Испания құрамасының жұлдызын «Барселонаға» жеке өзі үгіттеп жатқанын хабарлаған едік.
