Қазақстан құрамасының екі экс-футболшысы ҚПЛ матчынан кейін ҚФФ тергеуіне ілікті
Қазақстан футбол федерациясы Премьер-лиганың 26-туры аясындағы «Ертіс» – «Оқжетпес» матчынан кейін Қазақстан құрамасының екі бұрынғы футболшысына қатысты тергеу бастады, деп хабарлайды Sports24.kz.
Павлодарда өткен кездесу алаң иелерінің 2:1 есебіндегі жеңісімен аяқталды. Матч алдында «Ертіс» турнирлік кестенің соңғы сатысында тұрып, Премьер-лигадағы орнын сақтап қалу үшін күрессе, «Оқжетпес» үшінші орынға және еурокубок аймағына таласты.
Матчқа бірқатар жағдайға байланысты ерекше назар аударылды. Бірінші таймда «Ертіс» қақпаға 13 соққы жасаған, ал «Оқжетпес» бірде-бір соққы бағыттамаған. Кездесуден кейін ойынға қатысушылардың ықтимал сыртқы байланыстарына қатысты да сұрақтар туындады. «Оқжетпестің» бас бапкері Ринат Алюетов бұған дейін «Ертісті» жаттықтырып, павлодарлық клубты Премьер-лигаға шығарған. Қазіргі «Оқжетпес» құрамында бұған дейін «Ертіс» сапында өнер көрсеткен футболшылар да бар.
Енді матчтың мән-жайы ҚФФ тергеуінің нысанына айналды. Іс аясында Қазақстан құрамасының бұрынғы футболшылары У.А. және Р.А. фигурируют.
Федерация тексеруінің қорытындысы бойынша түпкілікті шешім шығарылады.
