Садулаев Астанадағы күрестен әлем чемпионатында қола жүлдегер атанды
Ресейлік еркін күрес шебері Абдулрашид Садулаев Астанада өтіп жатқан 2026 жылғы әлем чемпионатының қола жүлдегері атанды, деп хабарлайды Sports24.kz.
97 келіге дейінгі салмақта үшінші орын үшін өткен белдесуде Садулаев Польша өкілі Збигнев Барановскиймен кездесті. Жекпе-жек ресейлік спортшының 5:0 есебіндегі сенімді жеңісімен аяқталды.
Осылайша, Садулаев әлем чемпионатындағы жарысын қола медальмен аяқтады.
Еске салайық, ширек финалда ресейлік балуан америкалық Кайл Снайдерден 4:4 есебімен жеңіліп қалған еді. Соңғы нәтижелі әрекет бойынша жеңіс АҚШ өкіліне берілді. Снайдер финалға шыққаннан кейін Садулаев жұбаныш белдесуі арқылы жүлде үшін күресін жалғастыру мүмкіндігіне ие болды. Ол бұл кезеңде түркиялық Алперен Токгөзді 7:3 есебімен жеңді.
Айта кетейік, Абдулрашид Садулаев — екі дүркін Олимпиада чемпионы. Енді ол өзінің жүлделер топтамасын әлем чемпионатының тағы бір медалімен толықтырды.
