Қазақстан Бірінші лигасы чемпиондарын марапаттау рәсімі. Онлайн көру
Бүгін, 23 қазанда, 2026 жылғы Қазақстан Бірінші лигасы чемпиондарын марапаттау рәсімі өтеді. Биыл чемпиондық атақты қарағандылық «Шахтер» жеңіп алды, деп хабарлайды Sport24.kz.
Тікелей эфир сағат 18:00-де басталады және клубтың YouTube арнасында көрсетіледі. Іс-шара бағдарламасында чемпиондарға кубок пен медальдарды салтанатты түрде табыстау, мерекелік концерт және жанкүйерлерге арналған тосынсыйлар бар.
Сондай-ақ команда өкілдерінің құттықтаулары мен сөз сөйлеуі жоспарланған.
Еске салайық, қарағандылық клуб 23-турда Шымкенттің «Академия Оңтүстік» командасын 2:0 есебімен жеңіп, чемпиондықты мерзімінен бұрын қамтамасыз етті. Ал келесі күні 24-тур аясында «Тараз» бен алматылық «Қайрат-Жастар» арасындағы матчтың 1:1 есебімен аяқталуы «Шахтердің» чемпиондық атағын ресми түрде бекітті.
Маусымның соңғы екі турында «Шахтер» «Тұранға» (0:1) және «Қайрат-Жастарға» (2:3) есе жіберді. Алайда алматылық командамен өткен матчтан кейін қарағандылықтар өз алаңында чемпиондық жеңісін атап өтті.
Айта кетейік, маусым қорытындысы бойынша келесі маусымда Қазақстан Премьер-лигасында өнер көрсету құқығына «Шахтер» (65 ұпай) мен түркістандық «Тұран» (57 ұпай) ие болды.
