Қазақстанда «Алтын доп»-2026 марапаттау рәсімін қашан және қайдан көруге болады
«Алтын доп»-2026 марапаттау рәсімі 26 қазанда Лондонда өтеді. Қазақстандық жанкүйерлер футболдағы басты жеке марапаттың табысталуын Астана уақытымен 27 қазанға қараған түні тамашалай алады, деп хабарлайды Sports24.kz.
«Алтын доп» марапатының 70-ші мерейтойлық рәсімі дүйсенбі, 26 қазанда Лондондағы «Палладиум» театрында өтеді. Қазақстанда рәсім 27 қазанға қараған түні Астана уақытымен 01:00-де басталады.
Рәсімнің тікелей трансляциясы мына сілтемеде қолжетімді болады.
«Алтын доп»-2026 жүлдесін кім алады
Айта кетейік, ерлер арасындағы «Алтын допқа» басты үміткерлер қатарында аргентиналық Лионель Месси («Интер Майами»), француз Килиан Мбаппе («Реал Мадрид»), испаниялық Ламин Ямаль («Барселона») және ағылшындық Гарри Кейн («Бавария») бар.
Ерлер мен әйелдер арасындағы басты жүлделерден бөлек, рәсімде үздік жас ойыншыларға, қақпашыларға, шабуылшыларға, бапкерлерге және клубтарға арналған жүлделер де табысталады.
2025 жылы басты жеке марапатты Франция құрамасы мен «Пари Сен-Жермен» клубының шабуылшысы Усман Дембеле жеңіп алды.
Айта кетейік, марапаттау рәсімінің Парижден Лондонға көшірілуі 1956 жылы тарихта тұңғыш рет «Алтын доп» иегері атанған аты аңызға айналған ағылшын футболшысы Стэнли Мэттьюзге құрмет көрсетуге байланысты ұйымдастырылды.
